თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის, ლალი ტურძელაძის განცხადებით, კლინიკაში უკვე 11 პაციენტი გამოჯანმრთელდა.
„11 გამოჯანმრთელებული პაციენტი გვყავს. იცით, რომ სამწუხაროდ, 2 პაციენტი დაგვეღუპა, გადარჩენის შანსები მინუსში იყო. ძალიან გვიხარია, რომ 11 გამოჯანმრთელებული პაციენტი გვყავს. კიდევ ბევრი პაციენტია, რომელსაც 14-15 დღიანი ვადა უსრულდებათ, ჩვენ უნდა ჩავატაროთ ორჯერადი ტესტი და შემდეგ გავწეროთ ეს პაციენტები ბინაზე. ეს ძალიან გვიხალისებს შრომას“, - განაცხადა ტურძელაძემ.
მან მოქალაქეებს სახლში დარჩენისკენ მოუწოდა.
„ჩემი ქვეყნის მოსახლეობას, თანამოქალაქეებს ყველას მოვუწოდებ, დარჩით სახლში. არ არის აუცილებელი შეკრებებზე, დაბადების დღეებზე წასვლა, შემდეგ ყველა ერთად მოვასწრებთ ამას, ოღონდ ეს ვირუსი როგორმე გადავაგოროთ და ამ მდგომარეობიდან გამოვიდეთ. ვირუსი ახლა რომ ბობოქრობს, შემდეგ დაწყნარდება, ამასობაში ვაქცინაც შემოგვეშველება და შეგვეძლება დაბადების დღეებზე, ერთმანეთთან, სასაოფლაოზე, ეკლესიაში სიარული. ძალიან გთხოვთ ყველას, დარჩით სახლში“, - განაცხადა ტურძელაძემ.
