2020-04-15 18:33

მიტროპოლიტი იობი მრევლს მოუწოდებს, აღდგომის წირვას დაესწრონ.

დღევანდელ ქადაგებაში მიტროპოლიტმა თქვა, რომ  საგანგებო მდგომარეობა, რომელიც ახალი კორონავირუსის გავრცელების საფრთხის გამო შეიქმნა, მასონური გადაწყვეტილებაა, რომელიც ადამიანების კონტროლისთვის შეიქმნა.

მისი თქმით, ახალი კორონავირუსი ჩვეულებრივი ვირუსია, რადგან ის მხოლოდ მოხუცებს კლავს, რომლებიც ისედაც უნდა წავიდნენ ამ ქვეყნიდან.

„მთავარი უნდა იყოს პატრიარქის მოწოდება და არა – ურწმუნო მთავრობის და ექიმების“

ჩვენ ღმერთს ვესავთ, როგორც ვთესავთ, ისეთივე წყალობა გვექნება უფლისაგან. სასოება ეს არის იმედი, რწმენა. თუ ჩვენ რწმენით მივალთ, ჩვენზე არანაირი განსაცდელი არ იქნება - განაცხადა მიტროპოლიტმა იობმა.