2020-04-10 12:06

პირველი საუნივერსიტეტო კლინიკის დირექტორის ლევან რატიანის თქმით,  62 წლის მარნეულელი ქალბატონი გამოჯანმრთელდა  და დღეს ის კლინიკას დატოვებს.

„იცით, რომ ჩვენს კლინიკაში შემოსული იყო კრიტიკული კი არა, ტერმინალურ სტადიაზე მყოფი პაციენტი მარნეული-ბოლნისის კლასტერიდან. ქალბატონის ზოგადი მდგომარეობა ამ ეტაპისთვის არის დადებითი. მინდა ასევე გაუწყოთ, რომ გამოჯანმრთელებულია და ის რამდენიმე საათში დატოვებს კლინიკას.

ის არათუ კრიტიკული, არამედ მისი ზოგადი მდგომარეობა იყო ტერმინალური. ჩატარებული სიმპტომური მკურნალობით ამ კლინიკის კედლებში ქალბატონი გადარჩა და ეწერება კლინიკიდან”, – ამბობს რატიანი.