2020-04-07 22:16

კორონავირუსით ხელმეორედ დაინფიცირების რისკი არსებობს, მაგრამ ის მაღალი არაა, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

„კორონავირუსით ხელმეორედ დაინფიცირებასთან დაკავშირებით მკაცრი რეკომენდაციები ჯერჯერობით არ არსებობს. ე.წ. რეინფექცია, ანუ ხელმეორედ დაინფიცირების რისკი ჯერჯერობით დაბალია, ვინაიდან დაავადებას მხოლოდ 3 თვის ისტორია აქვს. გრიპის დროს, რომელიც ძალიან ჰგავს კორონავირუსს თავისი კლინიკით, რეინფექციის რისკი დაბალია, იმიტომ რომ დაავადება ტოვებს იმუნიტეტს. რა თქმა უნდა, რისკი არსებობს, მაგრამ ის არაა მაღალი“, - განაცხადა გამყრელიძემ.

საქართველოში კორონავირუსი 196 ადამიანს დაუდასტურდა, აქედან 46 ადამიანი უკვე გამოჯანმრთელდა, 3 კი გარდაიცვალა.