2014-03-06 18:03

„ნაციონალები“ ჩვენს თვალწინ ქვეყანაში ახალ მაიდანს ამზადებენ, ხელისუფლება კი მხოლოდ ლუღლუღებს- აცხადებს პოლიტიკოსი ირინა სარიშვილი.

მისი თქმით, ყველაზე მთავარი, რაც ჩვენ ქვეყანას ემუქრება,  ხელისუფლების უსუსურობის თუ შეგნებული მოქმედების წყალობით, უკრაინაში მიმდინარე მოვლენების საქარტველოში განმეორებაა და ამის ნათელი სურათი ჩანს.

,,ეს ხდება ჩვენ თვალწინ, ეს ხდება იმ ნაციონალების მხრიდან, რომლებიც საპარლამენტო არჩევნებში დამარცხების შემდეგ ბუჩქებში იმალებოდნენ. სოროებში იყვნენ ჩამძვრალი და ივანიშვილისა და მისი ხელისუფლების მეცადინეობით და დიდი მონდომებით არათუ ამოძვრნენ სოროებიდან, უფრო მეტიც, ძველებური რიხით გააგრძელეს მოღვაწეობა და დღესაც მოღვაწეობენ, სამწუხაროდ. რაიონებში, რეგიონებში, იმართება რეგიონის მხარდამჭერი მიტინგები,“- ამბობს სარიშვილი ,,ახალ თაობასთან“ საუბრისას.

სარიშვილი ფიქრობს, რომ ქვეყანა კატასტროფის წინაშე დგას და ხელისუფლება უუნაროა ამის აღსაკვეთად.

,,აქ მდგომარეობა იძაბება და ჩვენი ხელისუფლება, საუკეთესო შემთხვევაში, ლუღლუღებს და მეტი არაფერი. ის სააკაშვილი რასაც ხმამაღლა ამბობს, ჩვენი ხელისუფლება აკეთებს, ოღონდ ასეთი რიხით არ აფორმებს თავის გაკეთებულს. მოკლედ, კატასტროფის წინაშე ვართ’’- ამბობს სარიშვილი.

მისი ინფორმაციით, უკრაინის ახალმა ხელისუფლებამ სააკაშვილს საგარეო საქმეთა მინისტრის პოსტი შესთავაზა.