2014-03-06 16:54

ხუთი ტელეარხის გადამღებ ჯგუფებს დღეს, დილის საათებში ყირიმში თავსდაესხნენ.

შემთხვევა სევასტოპოლში, უკრაინის სამხედრო-საზღვაო დანაყოფის სამხედრო ბაზასთან მოხდა.

ხუთი უკრაინული ტელეარხის წარმომადგენლები, რომლებიც სევასტოპოლში კიევიდან დღეს ჩამოვიდნენ, სამხედროებთან გასაუბრებას ცდილობდნენ. სამხედრო ბაზები ადგილობრივ მაცხოვრებლებს აქვთ ბლოკირებული, ისინი აცხადებენ, რომ არ სურთ კიევის არაკანონიერი ხელისუფლების მხარდაჭერა.

მას შემდეგ რაც გადამღები ჯგუფების ოპერატორები კადრების გადასაღებად ხალხს მიუახლოვდნენ, ძალადობის გამომხატველი მოწოდებები გაისმა, შედეგად კი რამდენიმე მედიასაშუალების წარმომადგენელი დაშავდა.