2014-03-05 23:22

უკრაინის სასაზღვრო სამსახურის გენერალ-პოლკოვნიკი მიხაილ კოვალი, რომელიც რამდენიმე ხნის წინ უცნობმა პირებმა იალტაში გაიტაცეს, ხაზზე გამოვიდა და იუწყება, რომ თავს კარგად გრძნობს.

ამის შესახებ ინფორმაციას, სააგენტო «Интерфакс-Украина» უკრაინის სასაზღვრო სამსახურის პრესსამსახურზე დაყრდნობით ავრცელებს.

,,ის უკვე გამოვიდა ხაზზე და იტყობინება, რომ მასთან ყველაფერი კარგადაა და ის გააგრძელებს სამსახურს ყირიმში,“- განუცხადა პრესსამსახურის წარმომადგენელმა სააგენტოს.

მანამდე კი გავრცელდა ინფორმაცია, რომ კოვალი გაიტაცეს ოთხშაბათს, უკრაინის სახელმწიფო სასაზღვრო სამსახურის იალტის დივიზიონის საზღვაო დაცვის კატერიდან.