2014-03-05 23:02

ხვალ, 6 მარტს 21:00 საათზე „საზოგადოებრივი მაუწყებლის“ ეთერში საქართველოს პრემირმინისტრ ირაკლი ღარიბაშვილის ინტერვიუ გავა.

ღარიბაშვილი ამერიკის შეერთებულ შტატებში მის ვიზიტსა და ზოგად თემებს შეეხება:

„რა თქმა უნდა ვიცოდი, რომ ბარაკ ობამასთან შეხვედრა იგეგმებოდა, ასეთი შეხვედრები სპონტანურად არ ხდება, პრეზიდენტმა მითხრა, რომ ის 24 საათიან მეგობრობას მთავაზობს და ნებისმიერ დროს მზად არის დახმარებისთვის თუ რჩევისთვის. რაც ყველაზე მეტად მახარებს არის ის, რომ მოხდა კონტაქტი, ნახეს, რომ ჩვენ ვართ ნორმალური, დაბალანსებული, კონსტრუქციული ხალხი.

მე მსიამოვნებს, როცა მახსენებენ რომ ახალგაზრდა ვარ, წინ დიდი მომავალი გავქვს ჩვენ ყველას ერთად.

შეხვედრებზე სააკაშვილისა და მერაბიშვილის, კონკრეტული გვარების არათუ ხსენება არ ყოფილა, არამედ ჩვენ მათზე დრო არ დაგვიკარგავს. ჩვენ ვისაუბრეთ მომავალზე.

ჩვენ ყოველთვის ვაპირებთ დავაფიქსიროთ, რომ რუსეთთან მიმართებაში ჩვენ აბსოლუტურად შევცვალეთ პოლიტიკა, ჩვენ გვაქვს დაბალანსებული, მაგრამ პრინციპული პოლიტიკა, ეს ყველაფერი ამერიკის შეერთებული შტატების მხრიდან არის მოწონებული“, - აცხადებს ღარიბაშვილი.