2020-03-19 22:37

კორონავირუსთან ბრძოლაში საქართველოს მთავრობა ახალ ნაბიჯებს დგამს.

“ჩვენ გვაქვს რამდენიმე ძირითადი სისტემური მიმართულება, რომელზეც სრულად უნდა ვიყოთ კონცენტრირებული, რაშიც წარმატება საშუალებას გვაძლევს ეფექტიანად ვებრძოლოთ ამ ვირუსს.

პირველი: ჯანდაცვის დარგი და მინისტრი ეკატერინე ტიკარაძე;

მეორე: სამოქალაქო წესრიგი, რომელზეც სრულად პასუხისმგებელია შსს მინისტრი ვახტანგ გომელაური;

მესამე: სასურსათო მარაგების მართვა, ლოჯისტიკა და ტრანსპორტირება. ამაზე პასუხისმგებელი გახლავთ სოფლის მეურნეობის მინისტრი ლევან დავითაშვილი;

მეოთხე: ყველაზე მნიშვნელოვანი – კრიზისის შემდეგ ყველანი მზად უნდა ვიყოთ, რომ ეკონომიკა რაც შეიძლება სწრაფად აღდგეს. ყველაფერს ვაკეთებთ, რომ ჩვენმა ეკონომიკამ მიიღოს მინიმალური ზიანი. ეკონომიკური მიმართულებით პასუხისმგებელი გახლავთ ვიცე-პრემიერი მაია ცქიტიშვილი.

კიდევ ერთხელ მინდა გითხრათ, სრულიად ვართ მზად, რომ ვუპასუხოთ ამ გამოწვევას, ჩვენ ვიქნებით ერთ ერთ ყველაზე ეფექტურები ამ ვირუსთან ბრძოლაში”.განაცხადა გახარიამ.