რესტორან "მთვრალი ალუბალის" ხელმძღვანელი მირანდა ესაკია "კურიერთან" სატელეფონო საუბრისას აცხადებს, რომ რესტორნის 31 თანამშრომელი იმყოფება თვითიზოლაციაში.
მირანდა ესაკიას განცხადებით, 2 ადამიანს მაღალი ტემპერატურა აღენიშნებოდა და სასწრაფო სამედიცინო ეკიპაჟმა გადაიყვანა.
როგორც ესაკია აცხადებს, ჩეხ ტურისტებს საკუთარ ქვეყანაში დაუდასტურდათ კორონავირუსი.
"თვითონ ამ ჩეხმა ტურისტებმა უთხრეს დაავადებათა კონტროლის ცენტრს, რომ ყოველ დღე დადიოდნენ "მთვრალ ალუბალში." იყვნენ 4 მარტიდან 10 მარტამდე, შემდეგ გაფრინდნენ თავიანთ ქვეყანაში და იქ დაუდასტურდათ კორონავირუსი. 31 ადამიანი ვართ ახლა იზოლაციაში. 11 წასულია, ამ 11-ის მონაცემები, რა თქმა უნდა, დაავადებათა კონტროლის ცენტრში გადავაგზავნეთ. 2 ადამიანს, ერთ მიმტანს და ერთ ბარმენს ჰქონდა სიცხე 39, დავურეკეთ სასწრაფოს და გამოაგზავნეს კატასტროფის ეკიპაჟი და გუშინ გადაიყვანეს," - განაცხადა მირანდა ესაკიამ.
ცნობისთვის, რესტორან "მთვრალი ალუბალის" ყველა თანამშრომელი თვითიზოლაციაშია - აღნიშნულ განცხადებას ბარის ადმინისტრაცია სოციალურ ქსელში ავრცელებს.
წყარო:რუსთავი2
