2014-03-04 05:18

უკრაინის მუდმივმა წარმომადგენელმა გაეროში იური სერგეევმა დღეს გამართულ უშიშროების საბჭოს სხდომაზე რუსეთის წარმომადგენელი სიცრუეში დაადანაშაულა.

სერგეევმა ხაზი გაუსვა, რომ რუსეთის შეიარაღებული ძალების თავმოყრა უკრაინის საზღვართან მხოლოდ იმის მაჩვენებელია, რომ რუსეთმა უკრაინის მატერიკულ ნაწილში შეჭრა გადაწყვიტა.

მისივე თქმით, რუსულენოვანი უკრაინელები არ საჭიროებენ რუსეთის დაცვას: „მეც რუსულენოვანი უკრაინელი ვარ, მაგრამ თქვენს დაცვას არ ვსაჭიროებ“, - მიმართა მან ჩურკინს.

მანვე სიცრუე ოწოდა ჩურკინის განცხადებას იმის თაობაზე, რომ უკრაინაში რუსეთის შავი ზღვის ფლოტის განთავსების შეთანხმების მიხედვით, რუსეთს უფლება აქვს, ყირიმის ნახევარკუნძულზე 25 ათასი სამხედრო მოსამსახურე განათავსოს.

სერგეევის განცხადებით, რუეთის შეიარაღებული ძალების სამხედრო მოსამსახურეთა რაოდენობა ყირიმში, ამ შეთანხმების მიხედვით, არ უნდა აღემატებოდეს 11 ათასს, მაშინ როცა, მისივე განცხადებით, ყირიმში რუსეთმა უკვე შეიყვანა 16 ათასზე მეტი ჯარისკაცი.