2014-03-03 22:51

რუსეთის მოთხოვნით გაეროს უშიშროების საბჭო შეიკრიბება. გადაწყვეტილება უკვე მიღებულია და ცნობილია, რომ საბჭოს სხდომა მოსკოვის დროით ღამის პირველის ნახევარზე ჩატარდება.

გაეროს უშიშროების საბჭო საგანგებო წესით უკვე ორჯერ - 1 და 2 მარტს შეიკრიბა. პირველი საგანგებო სხდომა მალევე ჩატარდა მას შემდეგ, რაც რუსეთის ფედერაციის საბჭომ მისცა ნებართვა ქვეყნის პრეზიდენტს, გამოიყენოს უკრაინაში რუსეთის შეიარაღებული ძალები. გაეროს უშიშროების საბჭოს სხდომის ჩატარების მოთხოვნით მაშინ უკრაინის ხელისუფლებამაც მიმართა.

სავარაუდოდ, დღეს დაგეგმილ სხდომაზე რუსეთი აპირებს, გაეროს უშიშროების საბჭოს უკრაინაში განვითარებული მოვლენების საკუთარი ხედვა წარტუდგინოს. გაეროში რუსეთის ელჩი დიმიტრი ჩურკინი აცხადებს, რომ რუსეთი არ არღვევს შეთანხმებას უკრაინასთან შავი ზღვის ფლოტის ქვეყანაში ყოფნასთან დაკავშირებით. გავრცელებული ინფორმაციით, გაეროს უშიშროების საბჭოს საგანგებო სხდომა ამჯერად ღია იქნება.