2014-03-03 16:25

გარდაბანში „ნაციონალური მოძრაობის“ კონფერენციის დაწყებამდე ინციდენტი მოხდა.

როგორც „აფხაზეთის ხმას“ შინაგან საქმეთა სამინისტროს პრესსამსახურში განუცხადეს, ადმინისტრაციული სამართალდარღვევის მუხლით ორი პირია დაკავებული, საქმეზე კი მოკვლევა მიმდინარეობს.

როგორც საპარლამენტო უმცირესობის წევრი ირმა ნადირაშვილი წერს, „ქართული ოცნების წევრები კონფერენციაზე მოვარდნენ და ხელჩართული ჩხუბია. არ გვეძლევა საშუალება კონფერენცია ჩავატაროთ. პოლიცია არსად ჩანს“.

გარდაბანში დღეს „ნაციონალური მოძრაობიოს“ ადგილობრივი ორგანიზაციის თავმჯდომარე უნდა აერჩიათ. კონფერენცია ამ წუთისთვის შეწყვეტილია. დამატებით ინფორმაციას მიღებისთანავე მოგაწვდით.