2014-03-02 17:34

უკრაინის ყოფილი პრემიერმინისტრი იულია ტიმოშენკო ქვეყნის უშიშროების საბჭოს წევრი არ არის, მიუხედავად ამისა, პირველ მარტს გამართულ შეხვედრაზე ტიმოშენკომ მონაწილეობა მიიღო

და გამოვიდა წინადადებით, რომ უკრაინელი სამხედროები საბრძოლო მზადყოფნაში მოიყვანონ. ამის შესახებ ინფორმაციას უკრაინული მედია ავრცელებს.

გავრცელებული ინფორმაციის თანახმდა, უკრაინის უშიშროების საბჭომ ტიმოშენკოს წინადადება არ გაითვალისწინა.

შეხვედრაზე იულია ტიმოშენკოს დასწრებას პარტია „უდარის“ ლიდერი, ვიტალი კლიჩკოც ადასტურებს. კლიჩკოს განცხადებით, უშიშროების საბჭოს შეხვედრაზე დასწრება მხოლოდ პრეზიდენტის მოვალეობის შემსრულებლის ალექსანდრ ტურჩინის მიწვევით იყო შესაძლებელი.