2014-03-02 16:20

უკრაინის რადამ ქვეყანაში საგანგებო მდგომარეობა არ გამოაცხადა. რადამ დღეს საგანგებო დახურული სხდომა გამართა და სამი რეზოლუცია მიიღო.

უკრაიანის უმაღლესი ორგანო მიმართავს რუსეთის პრეზიდენტს არ შეიყვანოს სამხედრო ძალები უკრაიანაში.

მეორე რეზოლუციით რადა მიმართავს უკრაინის უსაფრთხოებისა და ტერიტორიული მთლიანობის გარანტორ ქვეყნებს,  დაიცვან ბუდაპეშტის შეთანხმება  და უზრუნველყონ ქვეყნის ტერიტორიული მთლიანობა.

მესამე დადგენილებით, რადამ უკრაინის შეიარაღებულ ძალებში სამხედრო მზადყოფნა გამოაცხადა.

რადას საგანგებო სხდომის დაწყებისას იყო მოლოდინი, რომ უკრაინაში სამხედრო ან საგანგებო მდგომარეობა გამოცხადდებოდა, მაგრამ ეს გადაწყვეტილება არ იქნა მიღებული.