ევროკავშირის ქვეყნების მინისტრებმა და აშშ–მა, იაპონიამ და სხვა რამდენიმე სახელმწიფომ უკრაინაში რუსეთის ინტერვენციის განსახილველად ექსტერნად მოაწყვეს ტელეხიდი და ითათბირეს.
ამის შესახებ პოლონეთის საგარეო საქმეთა მინისტრმა რადოსლავ სოკორსკიმ „ტვიტერზე“, საკუთარ მიკრობლოგზე დაწერა.
ამასთან, სოკორსკის არ გაუსაჯაროებია თათბირის დეტალები. ცნობილია, რომ აშშ–მა და ევროკავშირის ქვეყნების თავდაცვის მინისტრებმა თათბირი გააგრძელეს.
საგანგებო თათბირი თეთრ სახლშიც ჩატარდა. მასში პრეზიდენტი ბარაკ ობამა, თავდაცვის მინისტრი ჩაკ ჰეიგელი, აშშ–ის გენერალური შტაბის ხელმძღვანელი მარტინ დემპსი და ცენტრალური სადაზვერვო სამმართველოს დირექტორი ჯონ ბრენანი მონაწილეობდნენ.
გავრცელებული ინფორმაციით, თათბირის შემდეგ აშშ–ის თავდაცვის მინისტრმა საქმის კურსში ჩააყენა რუსეთის თავდაცვის მინისტრი სერგეი შოიგუ, რომ ვაშინგტონი ჯერჯერობით არ აპირებს ევროპაში განთავსებულ სამხედრო ნაწილებში საბრძოლო მზადყოფნა გამოაცხადოს და კიდევ ერთხელ გამოთქვამს საკითხის პოლიტიკური გზებით მოგვარების იმედს.
