2014-03-01 13:17

ამ დროისთვის სიმფეროპოლში გადაკეტილია ქალაქის ცენტრი, სადაც უმაღლესი საბჭოს შენობა მდებარეობს. კარლ მარქსის ქუჩაზე გადაადგილება მხოლოდ ჟურნალისტებისთვისაა ნებადართული.

სიმფეროპოლში ადგილობრივი მცხოვრებლების მიტინგია დაგეგმილი. ამასთან, ქალაქში შეიარაღებული პირების სიმრავლე შეინიშნება.

„როიტერი“ აქვეყნებს ფოტოს, სადაც კარგად ჩანს, რომ უმაღლესი საბჭოს შენობის სახურავზე ტყვიამფრქვევებით შეიარაღებული პირები განთავსდნენ. ფოტო დილის საათებშია გადაღებული.