2014-02-28 22:58

მე არ ვარ ექსპერტი და არც იმის გამოცდილება მაქვს გამეკეთებინა პოლიტიკური შეფასება უკრაინაში მიმდინარე მოვლენების შესახებ , თქვენ იფიქრებდით, რომ ამხელა მსხვერპლი იქნებოდა?

- ენერგეტიკის მინისტრი გადაცემა ,,პოზიციაში“ უკრაიანის მოვლენების შესახებ გაკეთებულ განცხადებას განმარტავს.

,,უკრაინაში განვითარებულ მოვლენებს რაც შეეხება, სამწუხაროა რაც მოხდა და ხდება დღესაც. ჩვენ შესაბამისი განცხადებები გავაკეთეთ. მოვუწოდებდით ხელისუფლებისა დ აოპოზიციის ლიდერებს რომ არ მომხდარ იყო რამე დაპირისპირება.

რაც შეეხება ჩემს განცხადებას, ეს არ იყო პოლიტიკური შეფასება. ვთქვი არსებული სიტუცია, როდესაც ვიმყოფებოდი უკრაინაში არასამუშაო ვიზიტით. პირველი დღე იყო, როდესაც დაიწყო დაპირიპირება, თქვენ ელოდით?

მე ნამდვილად არ ველოდი, თუ იანუკოვიჩი, უკრაინის ხელისუფლება თავის ქვეყნის მოსახლეობას ავტომატებს და სნაიპერების ტყვიებს დაუშენდა,“- განაცხადა კალაძემ.

მანვე განმარტა, თუ რატომ შეადარა იანუკოვიჩის ხელისუფლებას საქართველოს ძველი ხელისუფლება:

,, მე ვფიქრობ, ჩემს შეფასებას ბევრი არგუმენტი ახლავს , ჩვენ, მგონი, არ დაგვავიწყდა, რა ხდებოდა აქ ორი წლის წინ და რა მდგომარეობა იყო, როგორ დასდევდნენ განსხვავებული აზრის ადამიანებს, რა ხდებოდა ციხეებში, როგორ აუპატიურებდნენ პატიმრებს ცოცხებითა და ხელკეტებით, რა ხდებოდა 26 მაისს, როგორ უსწორდებოდნენ ახალგაზრდებს, როგორ იხარჯებოდა ბიუჯეტი ჩვენდა სამწუხაროდ ეს არის რეალობა,“- აღნიშნა მინისტრმა.

კალაძემ საუბრის ბოლოს პრემიერის აშშ-ში ვიზიტიც შეაფასა და აღნიშნა, რომ დასავლეთის მხარდაჭერა სახეზეა და ხელისუფლება ყველაფერს გააკეთებს, რათა უახლოეს მომავალში გავხდეთ ევროკავშირის სრულუფლებიანი წევრი ქვეყანა.