2014-02-28 22:35

„აქ პარტიულ საქმიანობაზე იყო საუბარი ამომრჩევლის მოსყიდვა რა შუაშია?“- ენერგეტიკის მინისტრი და ვიცე პრემიერი კახა კალაძე გადაცემა „არჩევანში“ თავისსავე განცხადებას განმარტავს.

კახა კალაძე საუბრობს, თუ რა იგულისხმა იმ განცხადებაში, სადაც ის მოუწოდებდა კოალიციის მხარდამჭერებს გაწევრიანდნენ და დასაქმდნენ პარტიაში.

,,პარტიის თავმჯდომარემ ირაკლი ღარიბაშვილმაც გააკეთა განცხადება. ჩვენ არ გვქონდა იმის დრო, პარტიისთვის მიგვექცია შესაბამისი ყურადღება, რადგან საარჩევნო პროცესში ვიმყოფებით მუდმივად, ახლაც არჩევნები მოდის, მაგრამ გადაწყვეტილება იქნა მიღებული, რომ ყურადღებას ვანიჭებთ პარტიას, რომელიც იქნება სოციალ-დემოკრატიულ იდეაზე დაფუძნებული.

გავაკეთეთ განცხადება, რომ ყველა ის ჯარისკაცი, ყველა ის ადამიანი, ვინც იდგა ჩვენს გვერდით იქნება ჩართული და დასაქმებული პარტიულ საქმიანობაში,“- განაცხადა კალაძემ და აღნიშნა, რომ მის განცხადებაში ამომრჩევლის მოსყიდვის მცდელობა არ დევს.

ოპოზიცია კი აცხადებდა, რომ ვიცე-პრემიერის განცხადება, პირდაპირ შეიცავს ამომრჩეველის მოსყიდვას მცდელობას.