,,იანუკოვიჩი უკრაინელი ხალხის ღია მოღალატეა,“- წერს კულტურის ყოფილი მინისტრი ნიკა რურუა.
მისი აზრით, ყირიმის მოვლენები რუსეთის პრეზიდენტის ,,განწირული პროვოკაციაა“ და თუ უკრაინა სიმშვიდესა და ერთიანობას შეინარჩუნებს, რუსეთს მოუწევს იქიდან წასვლა.
,, ჩემი აზრით, რაც ყირიმში ხდება, ეს არის პუტინის უტიფარი და განწირული პროვოკაცია უკრაინის წინააღმდეგ, რომ უკრაინელებმა რამენაირი იმპულსური ნაბიჯი გადადგან, და რუსებს ხელები გაუხსნან ნებისმიერი სახის, თუნდაც ძალზე ლიმიტირებულ ძალოვან პასუხზე მასირებული სამხედრო პასუხისათვის.
იმედია, უკრაინელები ამას ხვდებიან, და მათი სერიოზული სამხედრო საშუალებების მიუხედავად, ბრძოლას მსოფლიო დიპლომატიურ სცენაზე გადაიტანენ.
ამ შემთხვევაში პუტინს ისევე მოუწევს იქიდან წასვლა, როგორც ეს პრიშტინის აეროპორტიდან მოუწია რუსულ სამხედრო შენაერთებს სერბეთ-კოსოვოს ომის დროს. სიმშვიდე, სიმტკიცე და ერთიანობა - ესაა რაც დღეს ევროპულ უკრაინას სჭირდება.
P.S. იანუკოვიჩის უსუსური განცხადებების 'ლოგიკა' ამ უბინძურესი გეგმის ნაწილია. ის უკრაინელი ხალხის ღია მოღალატეა.“- წერს რურუა.
