2014-02-28 18:30

ეს ირაკლი შიხიაშვილის ,,შპარგალკაა“, რომელზეც დებატებისას ჩემს წინააღმდეგ გასაჟღერებელი პრეტენზიების ჩამონათვალი ეწერა,“- წერს თბილისის მერის მოვალეობის შემსრულებელი სევდია უგრეხელიძე საკუთარი „ფეისბუქის“ გვერდზე.

მისი თქმით, შიხიაშვილმა მოამზადა გეგმა, თუმცა ვერ მოახერხა მისი გაჟღერება, ამიტომ უგრეხელიძე მზადაა ნებისმიერ დაინტერესებულ პირს პასუხი გასცეს ,,შპარგალკაში“ ჩამოწერილ პრეტენზიებზე.

„26 თებერვალს საზოგადოებრივი მაუწყებლის ეთერში ( ეკა მიშველაძის პოლიტიკურ თოქშოუში.....) საკრებულოს თავმჯდომარესთან პოლიტიკური დებატების დასრულების შემდეგ ბატონმა ირაკლი შიხიაშვილმა გადმომცა სხვა დოკუმენტაციასთან ერთად ის ფურცელი, რომელზეც ეწერა გადაცემაში ჩემს წინააღმდეგ გასაჟღერებელი პრეტენზიების გეგმა.

როგორც მაყურებელმა იხილა მან ვერ შეძლო დებატების რეჟიმში არამარტო ბიუჯეტის ირგვლივ საუბარი, არამედ მისივე ბრალდებების სრულად წამოყენება, ამას თავად გავაკეთებ მის მაგივრად და მსჯელობისათვის გთავაზობთ ირაკლი შიხიაშვილის მიერ გადმოცემული ფურცლის ფოტოასლს.

ასევე მინდა აღვნიშნო, რომ ფურცელზე წარმოდგენილი ყოველი პუნქტი წარმოადგენს სიცრუეს და ფაქტების გაყალბებას. მზად ვარ დაინტერესებულ პირებს დეტალურად ვუპასუხო ყოველ ამ პუნქტთან დაკავშირებით მათთვის საინტერესო კითხვებზე“,-წერს სევდია უგრეხელიძე და აქვეყნებს ფოტოს.