-
2014-02-27 19:50
„თუ სოფელში კაცი გქვია, გამგებელი ხარ, ისიც უნდა იცოდე, ვინ ვის ჰყვარობს სოფელში და ვინ ვისთან დაძვრება“- ამ ცნობილი განცხადების ავტორი სამსახურიდან დაითხოვეს.
რეგიონული განვითარებისა და ინფრასტრუქტურის სამინისტროს თვითმმართველობის განვითარებისა და რეგიონული პოლიტიკის დეპარტამენტის უფროსის მოადგილე კონსტანტინე ხმალაძე, სწორედ ამ განცხადების გამო, რომელიც მან სოციალურ ქსელში განათავსა, სამსახურიდან გათავისუფლებულია:
„25 თებერვალს მედიის საშუალებებით გავრცელდა ინფორმაცია, რომელშიც ასახული იყო საქართველოს რეგიონული განვითარებისა და ინფრასტრუქტურის სამინისტროს თვითმმართველობის განვითარებისა და რეგიონული პოლიტიკის დეპარტამენტის უფროსის მოადგილის, კონსტანტინე ხმალაძის საჯარო მოსამსახურისთვის შეუფერებელი ქმედება.
ამასთან დაკავშირებით მინისტრის დავალებით, რეაგირების მიზნით შიდა აუდიტის დეპარტამენტმა დაიწყო საქმის შესწავლა. დღის ბოლოს, შექმნილი ვითარების გათვალისწინებით, კონსტანტინე ხმალაძემ მიიღო გადაწყვეტილება სამსახურიდან გათავისუფლების შესახებ“ – ნათქვამია სამინისტროს განცხადებაში.