2019-05-23 18:24

ეროვნული ვალუტის დრამატული გაუფასურება გრძელდება. ლარი ისტორიულ მინიმუმთან ასე ახლოს არასდროს ყოფილა.

კომერციულ ბანკებში ერთი დოლარი უკვე 2.81 ლარზე მეტია. ეროვნული ვალუტის კურსი ევროსთან მიმართებაშიც გაუფასურდა. სავალუტო ჯიხურებში ერთი დოლარის შეძენა 2.78 ლარად არის შესაძლებელი.

ეროვნული ვალუტის ისტორიული მინიმუმი 2016 წელს დაფიქსირდა, როდესაც ერთი ამერიკული დოლარის ღირებულება, ეროვნული ბანკის მონაცემების მიხედვით, 2.78 ლარი იყო.

ბოლო დღეების განმავლობაში  გაიზარდა ბენზინის ფასი. ნავთობ პროდუქტების ასოციაციაში ამბობენ, რომ თუ ვალუტის კურსი არ დასტაბილურდება, ისინი საწვავის კიდევ უფრო გაძვირებას არ გამორიცხავენ.