2019-04-15 14:16

ლიბიის დედაქალაქთან საომარი მოქმედებები გრძელდება. სამთავრობო ძალებმა ამბოხებულების თვითმფრინავი გაანადგურეს.

ე.წ. “ეროვნული არმიის” კუთვნილ „მიგ-21“ ტიპის გამანადგურებელი ქვეყნის აღმოსავლეთ რეგიონში ჩამოაგდეს. ამბოხებული გენერალი, ხალიფა ჰაფთარი ავიაციას დედაქალაქზე იერიშებისთვის იყენებს.

ჯანდაცვის მსოფლიო ორგანიზაციის მონაცემებით, 4 აპრილს დაწყებულ საომარ მოქმედებებს სულ მცირე 121 ადამიანის სიცოცხლე ემსხვერპლა. დაშავებულია 500-ზე მეტი ადგილობრივი მოსახლე და სამხედრო მოსამსახურე.