2019-04-10 16:34

საზარელი მკვლელობა წყნეთში - შვილმა მამას ცივი იარაღით სასიკვდილო ჭრილობები მიაყენა.

დაპირისპირების შედეგად დაჭრილი გივი წერექაშვილი ადგილზე გარდაიცვალა. წინასწარი ინფორმაციით, მომხდარს წინ უძღოდა ურთიერთშელაპარაკება, თუმცა მიზეზი უცნობია. მეზობლები ამბობენ, რომ მათ ხმაური არ გაუგიათ და წერექაშვილების ოჯახსაც არაკონფლიქტურადახასიათებენ. სამართალდამცველებმა ეჭვმიტანილი ცხელ კვალზე დააკავეს.

 65 წლის მამაკაცის ცხედარი კი ექსპერტიზაზეა გადასვენებული. გამოძიება ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ფაქტზე მიმდინარეობს.