2019-04-02 17:34

თბილისის პოლიციის მთავარ სამმართველოში ანა ბაგრატიონ-გრუზინსკი ყოფილი მეუღლის, დავით ბაგრატიონ-მუხრანელის წინააღმდეგ ჩვენებას მისცემს.

ანა ბაგრატიონმა საკუთარ ჩვენებაში უნდა ისაუბროს სცემდა თუ არა მას დავით ბაგრატიონი თანაცხოვრების დროს. შს სამინისტროში მეფის წინააღმდეგ გამოძიება ძალადობის მუხლითაა დაწყებული. როგორც ადვოკატები აცხადებენ, ანა ბაგრატიონზე ყოფილი მეუღლე ფიზიკურად და ფსიქოლოგიურად ძალადობდა. 

დავით ბაგრატიონ-მუხრანელის ადვოკატი კი ამბობს, რომ საქმის ხანდაზმულობის ვადა გასულია. ლევან ჩხეიძის განცხადებით, სამი წლის დაგვიანებით საქმის აღძვრას არანაირი იურიდიული პერსპექტივა არ გააჩნია.