2019-04-01 13:54

უკრაინის საპრეზიდენტო არჩევნების მეორე ტურში ერთმანეთს ვლადიმერ ზელენსკი და პეტრო პოროშენკო დაუპირისპირდებიან.

ქვეყნის ცენტრალურმა საარჩევნო კომისიამ უკვე დაამუშავა ბიულეტენების ერთ მეოთხედზე მეტი. წინასწარი მონაცემებით ზელენსკის ამომრჩევლების 30 პროცენტზე მეტმა დაუჭირა მხარი, ხოლო პეტრო პოროშენკოს 16,7 %-ი მიემხრო.

პრეზიდენტობის კანდიდატებმა პირველი პრესკონფერენციები გვიან ღამით, ეგზიტპოლების მონაცემების გამოცხადების შემდეგ გამართეს. პეტრო პოროშენკოს განცხადებით, მეორე ტურში მისი კანდიდატურის გასვლამ რუსეთის გეგმები ჩაშალა. მოქმედმა პრეზიდენტმა მისი მთავარი კონკურენტი, ვლადიმერ ზელენსკი უკრაინელ მილიარდერთან, იგორ კოლომოისკისთან კავშირში დაადანაშაულა, რასაც ზელენსკის მხრიდან საპასუხო ბრალდებები მოჰყვა.