2019-03-27 16:27

დაპირისპირება ტაქსის მძღოლებსა და სამართალდამცავებს შორის - დაკავებულია საპროტესტო აქციის ერთი მონაწილე. ტაქსის მძღოლები აქციას ორ ლოკაციაზე მართავენ.

ისინი რუსთაველის გამზირსა და რესპუბლიკის მოედანზე არიან შეკრებილები. სწორედ რუსთაველის გამზირზე, პარლამენტის წინ მიმდინარე აქციაზე მოხდა შეხლა-შემოხლა პოლიციასა და აქციის მონაწილეებს შორის. დაპირისპირებას კი ტაქსის მძღოლების მხრიდან გზის გადაკეტვის მცდელობას მოჰყვა რისი საშუალებაც მათ სამართალდამცავებმა არ მისცეს.

აქციის მონაწილეები ახალი რეგულაციების 2025 წლამდე გადავადებას მოითხოვენ. ტაქსის მძღოლებს სოლიდარობას უცხადებს "ლეიბორისტული პარტიის" თავმჯდომარე. შალვა ნათელაშვილი რუსთაველის გამზირზე მივიდა.