მოსამართლეთა ფეშენებელური სახლები - არასამთავრობო სექტორი საგამოძიებო უწყებას მიმართავს.
სამოქალაქო საზოგადოება მიიჩნევს, რომ სამართალდამცველმა უწყებებმა უნდა გამოიძიონ, რა სახსრებით ააშენეს მოსამართლეებმა მდიდრული საცხოვრებელი სახლები.
ორგანიზაციებში ამბობენ, რომ მოსამართლეების ოფიციალური შემოსავალი და აშენებული სახლების მასშტაბები იმდენად შეუსაბამოა, რომ აუცილებელია, ამით საგამოძიებო უწყებები დაინტერესდნენ.
გააკეთებენ თუ არა განმარტებებს თავად მოსამართლეები, უცნობია, თუმცა “შაბათის კურიერში“ გასული რეპორტაჟის შემდეგ ისინი „რუსთავი 2-ის“ წინააღმდეგ სარჩელს ამზადებენ.
„თავად საჯარო სამსახურის ბიურომაც და სახელმწიფო სტრუქტურებმა უფრო ქმედითი ნაბიჯები უნდა გადადგან, რომ საზოგადოებას, როგორც წესი, ჰქონდეს საშუალება, როცა ვლაპარაკობთ ჩვენ მოსამართლეებზე, ვიცოდეთ და გაგვაჩნდესყველა ინფორმაცია, რომელიც შეიძლება დაკავშირებული იყოს მათ ფინანსებთან, შემოსავლებთან, საკრედიტო ისტორიებთან. ჩვენ ვლაპარაკობთ არა უბრალოდ რიგით საჯარო მოხელეებზე, არამედ ჩვენ ვლაპარაკობთ ადამიანებზე, რომლებიც გადაწყვეტილებებს იღებენ ამ ქვეყანაში,“- ამბობს "ახალგაზრდა იურისტთა ასოციაციის" თავმჯდომარე, სულხან სალაძე.
წყარო:რუსთავი2
