World Vision-მა ქუჩაში მცხოვრები და მომუშავე ბავშვების შესახებ ცნობიერების ამაღლების მიზნით, ვაკის პარკისა და თავისუფლების მეტროს ცენტრალური შესასვლელის მიმდებარე ტერიტორიაზე ქუჩის ინსტალაცია სახელწოდებით „Facebook - ის ცოცხალი პოსტი” მოაწყო.
პროექტის მიზანია საზოგადოებას აჩვენოს, რომ ხშირად მოვლენები უფრო მეტ ყურადღებას იქცევს სოციალურ მედიაში, ვიდრე რეალურ ცხოვრებაში. ინსტალაცია ხაზს უსვამს ქუჩაში მცხოვრები ბავშვების რეალურ პრობლემებს.
დღესდღეობით, საქართველოში დაახლოებით 2000 დან 2500 -მდე ქუჩაში მცხოვრები ბავშვია. World Vision საქართველო ქუჩაში ბავშვთა ექსპლოატაციის წინააღმდეგ მიმართული კამპანიის #ესარარისჩემი არჩევანი ფარგლებში, მიზნად ისახავს ქუჩებში ბავშვთა ექსპლოატაციის დასრულებას და ამ ბავშვებისათვის უკეთესი მომავლის შექმნას საზოგადოების, არასამთავრობო ორგანიზაციების, სახელმწიფოსა და კერძო სტრუქტურების დახმარებით.
სამი დღისა და 24 საათიანი ცენტრების საშუალებით World Vision -ი დღეში 90 -მდე ქუჩაში მცხოვრებ ბავშვს ეხმარება. ცენტრების მიზანია ქუჩაში მცხოვრებ და მომუშავე ბავშვებზე ზრუნვა და მათი განვითარების საჭიროებების დაკმაყოფილება.