"მაშინ როდესაც შს სამინისტროს აქვს დასაბუთებული და დადასტურებული ეჭვი ნარკორეალიზაციასთან დაკავშირებით, ვერავინ ვერ შეზღუდავს შს სამინისტროს მოქმედების არეალს, წერტილი" - განაცხადა შს მინისტრმა სამოქალაქო სექტორთან გამართული შეხვედრის შემდეგ. გახარიამ შეხვედრის დეტალებზეც ისაუბრა და თქვა, რომ დღევანდელ შეხვედრაზე ორი სახის შეთანხმება შედგა.
მინისტრის განცხადებით, შეიქმნება ორი ჯგუფი, ერთი იმუშავებს ნარკოლიბერალიზაციაზე, ხოლო მეორე შეისწავლის 12 მაისს, ღამის კლუბებში ჩატარებული სპეცოპერაციის დეტალებს.
მინისტრმა ასევე განმარტა მიზეზები, თუ რატომ გახდა სპეცდანიშნულების რაზმის კლუბის ტერიტორიაზე შესვლა აუცილებელი.
"შსს-ს აქვს სპეციალური საშუალებებით დადასტურებული სხვა და სხვა კლუბებში 20 შემთხვევა. ბოლო 14 დღის განმავლობაში 112 გამოძახება გაიზარდა ბევრჯერ და მათი რაოდენობა ბოლო ორი კვირის განმავლობაშ იყო 48 და სწორედ ამიტომ შს სამინისტრო იყო იძულებული განეხორციელებინა ეს ნაბიჯები“-განაცხადა გახარიამ.
მინისტრის თქმით, ის მზად არის არასამთავრობოებთან ერთად მოიკვლიოსჰქონდა თუ არა კლუბში ჩატარებული სპეცოპერაციისას ადგილი ძალადობასა და უფლებამოსილების გადაჭარბებას. გახარია ამბობს, რომ ამ ეტაპზე არც სახალხო დამცველის ოფისს და არც კრიმინალურ პოლიციას მსგავსი დანაშაულის ფაქტი არ აქვთ დაფიქსირებული.
„რა თქმა უნდა, ჩვენ ვართ მზად ვართ განვიხილოთ ყველა საკითხი და კითხვის ნიშანი, რომელიც არსებობს, დავპირდი სტუმრებს, რომ მათთან ერთად დეტალურად განვიხილავთ, იყო თუ არა უფლებამოსილების გადამეტება. არც ერთი ასეთი შემთხვევა ომბუდსმენის ოფისში დადასტურებული არ არის“-განაცხადა მინისტრმა.
წყარო:რუსთავი2