NDI-ის გამოკითხულთა 26% თვლის, რომ საქართველოს ეროვნული უსაფრთხოების გაძლიერებაში ხელს ნატოში გაწევრიანება შეუწყობს.
17% მიიჩნევს, რომ საქართველოს ეროვნული უსაფრთხოების გაძლიერება შესაძლებელი იქნება თავდაცვისუნარიანობის საკუთარი ძალებით გაძლიერების შემთხვევაში.
ეროვნული უსაფრთხოების გაძლიერებაში დახმარების გზად 10% ევროკავშირში გაწევრიანებას მიიჩნევს.
უსაფრთხოების გაძლიერებისთვის დემოკრატიის გაძლიერების აუცილებლობას ირჩევს 7%, 6% კი თვლის, რომ უსაფრთხოების გაძლიერებისთვის აუცილებელია აშშ-სთან თანამშრომლობა.
გამოკითხულთა მხოლოდ 4% თვლის, რომ საქართველოს ეროვნული უსაფრთხოების გაძლიერებაში ხელს ევრაზიულ კავშირში გაწევრიანება შეუწყობს, 3% კი პრორუსული კურსის გაძლიერებას ასახელებს.
შეგახსენებთ, რომ კვლევის საველე სამუშაოები ჩატარდა 20 მარტი - 4 აპრილის პერიოდში, საქართველოს მასშტაბით, 2 194 პირისპირ ინტერვიუს წარმომადგენლობითი შერჩევის საფუძველზე.