-
2018-04-20 17:38
ერევნის პოლიციის ოფიციალური მონაცემებით დღეს საპროტესტო აქციების მსვლელობისას 166 დემონსტრანტი დააკავეს. სომხეთის პრესის ცნობით დაკავებულთა რიცხვი 200-ს აღწევს.
პოლიციელები ერევნის ქუჩებში მომიტინგეებს და იმ მძღოლებს, რომლებიც აქციას შეუერთდნენ აკავებენ. ქალაქში მოძრაობა გართულებულია, ოპოზიციონერი დეპუტატი ნიკოლ პაშინიანის მომხრეები ერევნის ქუჩებში მარშით გადაადგილდებოდნენ და შენობების ბლოკირებას ახდენენ.
ოპოზიციის ერთ-ერთმა ლიდერმა, პარლამენტის წევრმა ნიკოლ პაშინიანმა, მომხრეებს დილიდან დემონსტრაციის განახლებისკენ და ერევნის ქუჩების სრული ბლოკირებისკენ მოუწოდა.
სერჟ სარქისიანი კი განვითარებულ მოვლენებს რამდენიმე ათეული ადამიანის მხრიდან ქვეყანაში არასტაბილური ვითარების შექმნის მცდელობას უკავშირებს.