საქართველოს კიდევ ერთი მსოფლიო ჩემპიონი ჰყავს. იტალიის ქალაქ მილანში გამართულ მსოფლიო ჩემპიონატზე გრეპლინგში (არაოლიმპიური სპორტის სახეობა), ქართველმა სპორტსმენმა ქართლოს ოჩიგავამ (მწვრთნელი კობა ოჩიგავა) გაიმარჯვა.
ოჩიგავამ 80 კგ წონით კატეგორიაში პირველ წრეში მასპინძელი სპორტსმენი, მეორეში რუსი მეტოქე, ნახევარფინალში კი ფრანგი სპორტსმენები გაამარცხა.
ფინალურ ორთაბრძოლაში ოჩიგავამ ბრაზილიელ სპორტსმენს კარვალო კარერას სძლია და მსოფლიო ჩემპიონის ტიტული მოიპოვა.
ეს არის ქართველი სპორტსმენის პირველი გამარჯვება სპორტის ამ სახეობაში.