2018-03-27 16:37

პრემიერის განცხადება არ ნიშნავს იმას, რომ ქართული მხარე მზად არის ცალმხრივად გაზარდოს თავისი წარმომადგენლობა ჟენევაში - ეს განცხადება, საგარეო საქმეთა მინისტრის მოადგილემ გააკეთა.

დავით დონდუა საქართველოს პრემიერ-მინისტრის მიერ რუსეთისადმი გაგზავნილ მიმართავს კიდევ ერთხელ გამოეხმაურა, სადაც გიორგი კვირიკაშვილი ჟენევის მოლაპარაკებებში ჩართვის მზადყოფნას გამოთქვამს.

„ამჟამად ჟენევის მოლაპარაკებები მიმდინარეობს სამუშაო ჯგუფებში და ეს მაღალი დონის პოლიტიკური განცხადება არ არის ის განცხადება, რომელიც სამუშაო ჯგუფებში უნდა განიხილოს. ამავე დროს პრემიერის განცხადება არ ნიშნავს იმას, რომ თითქოს ქართული მხარე მზად არის ცალმხრივად გაზარდოს თავისი წარმომადგენლობითი მხარე ჟენევაში, ამისთვის საჭიროა მეორე მხარის თანხმობაც და ეს მხოლოდ იმ შემთხვევაში მოხდება თუ მეორე მხარეც ამას დათანხმდება“ - აცხადებს დონდუა.

წყარო:რუსთავი 2