2018-03-19 16:01

არჩვენების წინასწარი შედეგების გასაჯაროების შემდეგ ვლადიმერ პუტინი საარჩევნო შტაბში ჟურნალისტებს შეხვდა. ვლადიმერ პუტინის განცხადებით, ის მთავრობის ფორმირებას გეგმავს, თუმცა ცვლილებების შესახებ დეტალები ინაუგურაციის შემდეგ გახდება ცნობილი.

სამომავლო გეგმებთან ერთად არჩეულმა პრეზიდენტმა დიდი ბრიტანეთის ბრალდებებზე ისაუბრა.

„მე რა თქმა უნდა ვფიქრობ მთავრობის ფორმირების საკითხზე. თუმცა ყველა ცვლილება საზოგადოებისთვის ინაუგურაციის შემდეგ გახდება ცნობილი. შემიძლია გითხრათ, რომ ამ ეტაპზე საკონსტიტუციო რეფორმებს არ ვგეგმავ.

რაც შეეხება ბრიტანეთში მომხდარ ტრაგედიას. ამის შესახებ საინფორმაციო საშუალებებიდან გავიგე. სისულელეა იმაზე მსჯელობა, რომ ადამიანის მოწამვლის უფლება ვინმეს ჩვენი მხრიდან არჩვენებამდე ცოტა ხნით ხნით ადრე მიეცა. რუსეთს არ აქვს მსგავსი მომწამვლელი ნივთიერებები და ჩვენ გავანადგურეთ ყველა ქიმიური იარაღი,”-განაცხადა ვლადიმერ პუტინმა.