-
2018-02-13 16:59
"მე ვიმუშავებ ევროპარლამენტარებთან, ჩვენ შევადგენთ „მაგნიტსკის სიის“ მსგავს სიას უკრაინელი ოლიგარქებისთვის, პოროშენკო ჩემს იზოლაციას ვერ შეძლებს“, -
ამის შესახებ უკრაინის ხელისუფლების გადაწყვეტილებით პოლონეთში იძულებით გაძევების შემდეგ ვარშავაში გამართულ პირველ ბრიფინგზე საქართველოს მესამე პრეზიდენტმა და უკრაინის ოპოზიციის ერთერთმა ლიდერმა მიხეილ სააკაშვილმა განაცხადა.
მისი თქმით, ევროპაში ბევრად უფრო თავისუფალი და აქტიური იქნება, ვიდრე უკრაინაში იქნებოდა:
„უახლოეს კვირაში ევროპაში ისეთივე აქტიური ვიქნები, როგორიც ვიქნებოდი უკრაინაში ყოფნის შემთხვევაში. უკრაინაში - პირიქით მდევნიდნენ, მითვალთვალებდნენ, შინაპატიმრობა მომისაჯეს. აქ კი, ევროპაში, მე თავისუფალი ვარ, თავისუფალი სააკაშვილი თქვენთვის უფრო საშიში იქნება, პეტრო ალექსეევიჩ...
მე მინდა, ვთქვა, რომ თანამედროვე ტექნოლოგიების, კომუნიკაციის საშუალების პირობებში, პეტრო პოროშენკოს ეს მცდელობები უკრაინისგან ჩემი იზლოლირებისა, უსუსური მცდელობებია", - აღნიშნა სააკაშვილმა ბრიფინგზე.