2017-05-04 21:59

პარლამენტის ყოფილი თავმჯდომარე და ,,რესპუბლიკური პარტიის" ყოფილი ლიდერი დავით უსუფაშვილი სამომავლო პოლიტიკურ გეგმებზე საუბრობს. 

მისი განცხადებით, მისი ახალი პოლიტიკური გუნდი სრული დატვირთვის ასპარეზზე 2018 წლიდან გამოვა, მაგრამ მანამდე უსუფაშვილის გუნდის წევრები ადგილობრივ არჩევნებში მიიღებენ მონაწილეობას.

”ექსპერტთა კლუბში საინტერესო და საფუძვლიანი საუბარი გვქონდა. განვიხილეთ არა მხოლო ჩვენი გეგმა, არამედ ზოგადად არსებული ვითარება. დიახ, გეტყვით, რომ 2018 წლის დასაწყისიდან ახალი პარტია, თავისი ყველა ატრიბუტით გამოვა პოლიტიკურ ასპარეზზე. მანამდე ჩვენ ადგილობრივ არჩევნებში ვგეგმავთ მონაწილეობას თბილისსა და იმ რეგიონებში, სადაც გვექნება ამის შესაძლებლობა ფორმირების პროცესში მყოფ გუნდს.

გვარებსა და სახელებზე უფრო დეტალურად მაისის ბოლოს ან ივნისის დასაწყისში მოგახსენებთ. მთავარი ამოცანაა პოლიტიკური ველის გაუმჯობესება”, - განაცხადა დავით უსუფაშვილმა.