2017-05-04 12:43

“ჩემი ოცნებაა, რომ ყველა სკოლის შესასვლელში ვაშლიანი თასი იდგას”- განათლების მინისტრის, ალექსანდრე ჯეჯელავას თქმით, ის ეცდება აიხდინოს ეს ოცნება.

მინისტრმა ამ იდეაზე  საზოგადოებრივი მაუწყებლის ეთერში ისაუბრა. მინისტრის ინიციტივით, სკოლის ბუფეტებში ჩიფსები, შოკოლადი და სხვა არაჯანსაღი პროდუქცია აღარ უნდა გაიყიდოს,  ჯეჯელავას თქმით, ხილისა და სხვა ჯანსაღი პროდუქტის შეტანაზე ჯანდაცვისა და სოფლის მეურნეობის სამინისტროსთან ერთად მუშაობენ.

“სოფლის მეურნეობის სამინისტროსთან ვთანამშრომლობთ ძალიან აქტიურად. გვინდა და აქ უკვე დაძალება არ გამოვა, ეს იქნება უფრო შეთავაზება [სკოლებისთვის], ეს იქნება ჯანსაღი პროდუქტი, ბოსტნეული, ხილი. უნდა შევეცადოთ, შვედეთში იყო პროექტი, რომ სოფლის მეურნეობამ დაიწყო პროექტი და ყველა სკოლის შესასვლელში დადგა ვედრო/თასი ვაშლით. თუ არ გინდა, ნუ შეჭამ. ჩემი ოცნებაა, რომ ყველა სკოლის შესასვლელში ვაშლიანი თასი იდგას. ნუ შეჭამს თუ არ უნდა, ბოლოს მაინც შეჭამს, ესუსნავებათ ბავშვებს და მიადგებიან იმ ვაშლს და შეჭამენ”, – განაცხადა ალექსანდრე ჯეჯელავამ.