2017-05-04 11:16

საქართველოს პრეზიდენტს დღეს შესთავაზებენ იმ პროექტს, რომელიც განსაზღვრავს თუ რა ფორმით ჩაერთვება გიორგი მარგველაშვილი საკონსტიტუციო ცვლილებებთან დაკავშირებულ სახალხო განხილვებში.

გადაწყვეტილება საორგანიზაციო კომისიაში შემავალმა უმრავლესობის წევრმა დეპუტატებმა უნდა მიიღონ.

„პრეზიდენტს კომისიის მუშაობასთან მიმართებაში ამ სახით აქტიურობა აქამდე არ გამოუჩენია, პირიქით ის არ იღებდა მონაწილეობას და შეთავაზებაზე იძახდა უარს. სწორედ აქედან გამომდინარე არის ეს შემადგენლობა.

პრეზიდენტსა და მის ადმინისტრაციასთან დაკავშირებით იქნება გადაწყვეტილება მიღებული და მაღალი ალბათობით ასევე ფორმაც შეთავაზებული,“-განაცხადა დავით მათიკაშვილმა.

,,ნაციონალურ მოძრაობაში“ კი ფიქრობენ, რომ საკონსტიტუციო ცვლილებების განხილვა იმ ფორმატში იყო სწორი, რომელიც პრეზიდენტმა არჩია. 

„ეს იქნება ილუზია უბრალოდ, მოჩვენებითობის შექმნა, თითქოსდა მართლაც სახალხო განხილვები ხდება. ამიტომ ვთქვით ამ კომისიაში მონაწილეობაზე უარი, ჩვენ ცალკე შევხდებით ხალს, სხვათა შორის ამასვე აკეთებდა პრეზიდენტი, ამიტომ მე წარმომიდგენია, რომ კონსტიტუციის განხილვა იმ რეჟიმშია სწორი, როგორც პრეზიდენტი აქამდე აკეთებდა,“-ამბობს რომან გოცირიძე.

რაც შეეხება ევროპულ საქართველოს, ისინი განხილვაში მონაწილეობას მიიღებენ და ცხარე დებატებს გეგმავენ.