მოსამართლეებისადმი გამოთქმული კრიტიკისა და შენიშვნის ზღვარი, რომელის დაწესებაზეც იუსტიციის უმაღლესი საბჭოს სხდომაზე იმსჯელეს ოპოზიციის კრიტიკის საგანი გახდა.
ოპოზიციაში თვლიან, რომ გარკვეული რეგულაციების შემოტანა ზღუდავს სიტყვის თავისუფლებას.
ნაციონალურ მოძრაობაში ამბობენ, რომ ინიციატივა ოლიგარქიული რეჟიმის კიდევ უფრო გაძლიერებას ისახავს მიზნად.
„ამ ინიციატივით ქართული ოცნება ცდილობს, რომ ძალისმიერი მეთოდებით ქართულ საზოგადოებას ამოუკეროს პირი, რაც მიზნად ისახავს ოლიგარქიული რეჟიმის კიდევ უფრო გაძლიერებას. ეს არის სიტყვის თავისუფლების წინააღმდეგ გადადგმული ნაბიჯი და ეს არის თანასწორთა შორის კიდევ უფრო თანასწორთა კლასის შექმნის ინიციატივა,“ - აცხადებს კოტე იოსელიანი.
რეგულაციების შემოღების წინააღმდეგია ევროპული საქართველოც. გიგი წერეთლის თქმით, სიახლე ზღუდავს გამოხატვის თავისუფლებას და ის უმრავლესობამ არც კი უნდა განიხილოს. უმრავლესობაში კი აცხადებენ, რომ
ინიციატივას სურვილის შემთხვევაში განიხილავენ, თუმცა მათივე თქმით, გარკვეული რეგულაციების მიღება არ მოხდება სიტყვის თავისუფლების შეზღუდვის ხარჯზე.