2017-05-01 09:29

გახდება თუ არა ლევან მურუსიძე კიდევ ერთი მოსამართლე, რომელიც თანამდებობაზე უვადოდ გამწესდება.

ამასთან დაკავშირებით კენჭისყრა იუსტიციის უმაღლესი საბჭოს დღევანდელ სხდომაზე უნდა გაიმართოს.

ლევან მურუსიძე შესაძლოა მოსამართლეობის უფლება უვადოდ მიანიჭონ. ამ საკითხს იუსტიციის უმაღლეს საბჭოს დღევანდელ სხდომაზე უყრიან კენჭს.

სხდომის ოქმის თანახმად, ევა გოცირიძე მეოთხე საკითხად სამი წლის ვადით თანამდებობაზე გამწესებული უზენაესი სასამართლოს ყოფილი მოსამართლეების საქმიანობას შეაფასებს, რაც დიდი ალბათობით იმის წინაპირობა იქნება, რომ იუსტიციის მოქმედმა საბჭომ საკუთარი მდივანი, მოსამართლის თანამდებობაზე უვადოდ განამწესოს.

ლევან მურუსიძის უვადოდ დანიშვნის საკითხი, ევა გოცირიძემ 22 აპრილს გამართულ სხდომაზეც გაიტანა, თუმცა საბოლოოდ კენჭისყრა გადაიდო.