2017-04-28 15:12

საფრანგეთში პოლიციელმა შემთხვევით კოლეგას ესროლა და მოკლა – ამის შესახებ ადგილობრივი მედია წერს.

ინციდენტი ქალაქ მიულუზში მოხდა, რომელიც ქვეყნის აღმოსავლეთით მდებარეობს.

ერთ-ერთი პოლიციელი ტაბელურ იარაღს ათვალიერებდა, რა დროსაც მას იარაღი გაუვარდა და ტყვია მეწყვილეს მკერდში მოხვდა.

მედიკოსები ადგილზე დროულად გამოცხადდნენ. სასწრაფო სამედიცინო დახმარების ბრიგადა პოლიციის ოფისიდან 200 მეტრში მდებარეობს, თუმცა, მამაკაცის გადარჩენა მაინც ვერ მოხერხდა. პოლიციელი, რომელმაც იარაღიდან გაისროლა, საავადმყოფოში, შოკურ მდგომარეობაში გადაიყვანეს.