თუ მიხეილ სააკაშვილი ენმ-ს არჩევნებში მხარს დაუჭერს პარტია დაჯარიმდება, -ამის შესახებ პარტიის ერთ-ერთმა ლიდერმა ზაზა ბიბილაშვილმა განაცხადა.
მისი თქმით, საარჩევნო კოდექსში კეთდება ჩანაწერი, რომლის მიხედვითაც მიხეილ სააკაშვილის მიერ ”ნაციონალური მოძრაობის” მიმართ მხარდაჭერის გამოხატვის შემთხვევაში, მთავარი ოპოზიციური პარტია დაჯარიმდება. მისი თქმით, ცესკო-ს ინიციატივა - წინასაარჩევნო კამპანიაში მონაწილეობა იმ პირის მხრიდან, რომელსაც ამის უფლება არ აქვს, დარღვევად იყოს მიჩნეული, სწორედ კონკრეტულად ერთი ადამიანის წინააღმდეგაა მიმართული.
”ცენტრალურმა საარჩევნო კომისიამ პარლამენტს წარუდგინა „საარჩევნო კოდექსში“ ცვილებებისა და დამატებების პროექტი, რომელიც რეალურად მიმართულია მხოლოდ ერთი, ანუ იმ პირის წინააღმდეგ, რომელსაც ივანიშვილი აღიქვამს საკუთარი ძალაუფლების მთავარ საფრთხედ.
„საარჩევნო კოდექსში“ კეთდება ჩანაწერი, რომლის მიხედვითაც მიხეილ სააკაშვილის მიერ ”ნაციონალური მოძრაობის” მიმართ მხარდაჭერის გამოხატვის შემთხვევაში, დაჯარიმდება მთავარი ოპოზიციური პარტია. კოდექსს ემატება მუხლი, რომლის მიხედვითაც: კანონით დადგენილი წინასაარჩევნო კამპანიის წესების დარღვევად მიიჩნევა იმ პირის მონაწილეობის დაშვება აგიტაციაში, ვისაც აგიტაციაში მონაწილეობის უფლება არ აქვს და მის მიმართ ვერ ხორციელდება ადმინისტრაციულ სამართალდარღვევათა კოდექსით გათვალისწინებული სამართალდარღვევის საქმის წარმოება.
სახეზე გვაქვს მდგომარეობა, როდესაც რუსმა ოლიგარქმა ქვეყნიდან გააძევა, მოქალაქეობა ჩამოართვა საქართველოს მესამე პრეზიდენტი და 7 პიჯაკის შეძენის გამო დევნის თანამედროვე ქართული სახელმწიფოს დამფუძნებელს. ეს ცვლილებები ადასტურებს, რომ ივანიშვილს საკუთარი ოჯახურ-კლანური რეჟიმის დაცვა მხოლოდ უკანონობით და უსამართლობით წარმოუდგენია.
მას კარგად ესმის, რომ სამართლიანი და დემოკრატიული საარჩევნო გარემოს პირობებში მის ხელისუფლებას დიდი ხნის სიცოცხლე არ უწერია. გარანტიას ვაძლევთ მას, რომ ქართველი ხალხთან ერთად მოვაშორებთ საქართველოს, როგორც ამ ქვეყნის ყველაზე დიდ შინაურ მტერს”, - აღნიშნა ბიბილაშვილმა.
