2017-04-24 20:57

ბათუმის მოვლენების ორგანიზებისთვის ბრალდებული მერაბ ღოღობერიძის ადვოკატმა მის დაცვაზე უარი განაცხადა.

როგორც ზაზა პაპიძემ რუსთავი 2-თან საუბრისას განაცხადა, საქმეში კიდევ ერთი ადვოკატი, პაატა შავაძე ჩაერთო, რაც მისი მხრიდან ღოღობერიძის დაცვაზე უარის თქმის საფუძველი გახდა.

პაპიძის განმარტებით ადვოკატებს შორის დაცვის ტაქტიკასთან დაკავშირებით ინტერესთა კონფლიქტი წარმოიშვა და საბოლოოდ მან აცილების დაყენების გადაწყვეტილება მიიღო. ღოღობერიძის უკვე ყოფილი ადვოკატი დეტალებზე არ საუბრობს.

ზაზა პაპიძე აცხადებს, რომ ბრალდებულ ღოღობერიძეს უკვე აცნობეს მისი გადაწყვეტილების შესახებ.