2017-04-24 10:18

საფრანგეთის საპრეზიდენტო არჩევნების მეორე ტურში ერთმანეთს ემანუელ მაკრონი და მარი ლეპენი დაუპირისპირდებიან.

საფრანგეთის ცენტრალური საარჩევნო კომისიის ინფორმაციით, ამ დროისთვის დათვლილია ბიულეტინების 96%.

არჩევნების პირველ ტურში ცენტრისტმა ემანუელ მაკრონმა ამომრჩეველთა 23.7 პროცენტის მხარდაჭერა მოიპოვა. ულტრა-მემარჯვენე ნაციონალური ფრონტის ლიდერს მარი ლეპენს კი 21.4 პროცენტი აქვს.

სულ საპრეზიდენტო არჩევნებში 11 კანდიდატი მონაწილეობდა. აქედან უმრავლესობამ საკუთარ მომხრეებს, 7 მაისს დაგეგმილი არჩევნების მეორე ტურში, მაკრონის მხარდაჭერისკენ მოუწოდა.