2017-04-10 21:27

ეს არის გარკვეულად შეცდომაში შეყვანილი ადამიანი -  საქართველოს პრეზიდენტმა, პარლამენტის თავმჯდომარეს უპასუხა, რომელმაც თქვა, რომ პრეზიდენტი კონსულტაციებით ცდილობს პოლიტიკური პარტიები და არასამთავრობოები დაარწმუნოს, რათა მათ საკონსტიტუციო კომისია დატოვონ.

,,სულ ვამბობდი საკონსტიტუციო კომისიის დახმარების შესახებ. საკონსტიტუციო კომისიის წევრები ჩემთან ერთად დადიან რაიონებში, იქ ესაუბრებიან ხალხს და ა.შ. ახლა, ამ ფონზე, როდესაც კეთდება ასეთი განცხადებები შეთქმულების თეორიაზე, ეს არის გარკვეულად შეცდომაში შეყვანილი ადამიანი, რომელსაც რაღაც უთხრეს და დაიჯერა, მე არ მგონია მოიგონა. პოლიტიკაში ვინც არის, ყველამ იცის, რომ ათასი ადამიანი მოდის და რაღაცას გეტყვის. მე ვფიქრობ, რომ ეს მოხდა. არ მგონია, რომ ეს მიზანმიმართულად იყოს გაკეთებული”, - განაცხადა მარგველაშვილმა.