-
2017-04-02 13:39
ლეიბორისტული პარტიის ლიდერი შალვა ნათელაშვილი "შაბათის კურეიერში" ამბობს, რომ ბიძინა ივანიშვილის მსგავსი "თაღლითი, აფერისტი და მატყუარა პოლიტიკოსი მსოფლიოში არ შობილა", ამიტომაც მომავალი თაობები 1 აპრილს "ბიძინაობას" დაარქმევენ.
„1 აპრილი მინდა, ბატონ ბიძინა ივანიშვილს მივულოცო. ალბათ, მომავალი თაობა ამ დღეს ბიძინაობას დაარქმევს, მსოფლიოში ასეთი თაღლითი, აფერისტი და მატყუარა პოლიტიკოსი არ შობილა,“ - განაცხადა შალვა ნათელაშვილმა.
„ივანიშვილის მიზანია, რაც შეიძლება, ნაკლები ხარჯებით მართოს სახელმწიფო იმისთვის, რომ მეტი ხარჯები წავიდეს მის ბიზნესში,“ - დაამატა ლეიბორისტთა ლიდერმა "რუსთავი-2-ის" ეთერში.
მან ამავე გადაცემაში პრეზიდენტის უფლებამოსილების შესახებ შეკითხვასაც უპასუხა და აღნიშნა, რომ ვისაც ამერიკული წესით პრეზიდენტის არჩევის იდეა ეკუთვნის, "ის კაცი კონსტიტუციის აბორტმახერია".
ლეიბორისტთა ლიდერი, სავარაუდოდ, იდეის ავტორს ვახტანგ ხმალაძეს გულისხმობდა, რომელიც, მისი თქმით, განათლებით ფიზიკოსია: "25 წელია ვერ მოვაცილეთ იურისტობას, მაშინ როცა განათლებით ფიზიკოსია, იქ ვერ შედგა, წამოვიდა კანონმდებლობაში და ჯღაბნის ამ სისულელეებს", - თქვა მან.
ლეიბორისტული პარტიის ლიდერმა პრეზიდენტის არჩევის წესზე საუბრისას აღნიშნა, რომ ის პირდაპირი არჩევის წესით უნდა ირჩეოდეს.