2017-03-31 13:36

საქართველოს პრემიერმინისტრმა მთავრობის სხდომაზე 26 წლის წინანდელი მოვლენები გაიხსენა და 31 მარტის რეფერენდუმის მნიშვნელობაზე ისაუბრა. პრემიერმა აღნიშნა, რომ 1991 წლის 31 მარტს ქართველმა ერმა საფუძველი ჩაუყარა ქვეყნის დამოუკიდებლობას.

პრემიერის თქმით, დღეს როდესაც საქართველო ძალიან მნიშვნელოვან ნაბიჯებს დგამს დასავლეთთან ინტეგრაციის მიმართულებით, კიდევ უფრო მნიშვნელოვანი ხდება ეს თარიღი.

“დღეს არის ძალიან მნიშვნელოვანი თარიღი - 1991 წლის 31 მარტს ქართველმა ერმა აფხაზებთან და ოსებთან ერთად, ხმა მისცა და ჩაუყარა საფუძველი ქვეყნის დამოუკიდებლობას. დღეს, როდესაც საქართველო ძალიან მნიშვნელოვან ნაბიჯებს დგამს დასავლეთთან ინტეგრაციის მიმართულებით, კიდევ უფრო მნიშვნელოვანი ხდება ეს თარიღი და სრული პასუხისმგებლობის გრძნობით მინდა განვაცხადო, რომ  ჩვენ გავაკეთებთ ყველაფერს იმისთვის, რომ საქართველოს თითოეული მოქალაქის მიერ გამოხატული ნება ბოლომდე აღსრულდეს და საქართველო გახდეს ჭეშმარიტად დამოუკიდებელი, სუვერენული, დასავლური, ცივილიზებული სამყაროს წევრი ქვეყანა,“ - განაცხადა კვირიკაშვილმა.