2017-03-24 17:18

თბილისის საქალაქო სასამართლომ საზოგადოებრივი მაუწყებლის ყოფილი ჟურნალისტის ეკა მიშველაძის სარჩელი დააკმაყოფილა და მაუწყებლის გადაწყვეტილება, რომლის მიხედვითაც ჟურნალისტი არხიდან გათავისუფლდა, ბათილად ცნო.

საზოგადოებრივ მაუწყებელს ეკა მიშველაძის სასარგებლოდ კომპენსაციის სახით 30 000 ლარის გადახდა დაეკისრა. „გადაწყვეტილება კი ნაწილობრივ დააკმაყოფილა სასამართლომ, მაგრამ მთავარი ამ ყველაფერში არის ის, რომ სასამართლომ აღიარა - ჩემი გათავისუფლება მოხდა უკანონოდ. რაც შეეხება დანარჩენ მოთხოვნებს, ეს მეორეხარისხოვანია. ეს არის ძალიან კარგი და სწორი გადაწყვეტილება. ეს იმას ნიშნავს, რომ სადღაც მაინც არსებობს სამართალი“, - განაცხადა ეკა მიშველაძემ.